Масленіца
Восьмы тыдзень перад Вялікаднем называўся Масленкай. Пачыналіся Запускі, якія заканчвалі калядны мясаед (часам яго называлі малой вясельніцай). У Масленкі шмат іншых назваў, якія ўдакладняюць тыя ці іншыя асаблівасці тыдня: Пусты, Развітальны, Сырны, Крывы, Сырапусны.
На Беларусі святкаванне Масленкі пачыналася непасрэдна ў чацвер, бяседныя застоллі – у пятніцу, а развітальная, прабачальная бяседа – у нядзелю.
У апошнія дні Масленкі найбольш весяліліся, ездзілі на конях са званочкамі, шумам, гігіканнем, з песнямі, зляталі на санках з высокіх пагоркаў.
Ва Усходняй Беларусі на Масленку пачыналі гукаць вясну і вадзілі карагоды, якія заканчваліся характэрнай “гукальнай” інтанацыяй.
У ДУА “Заслаўская гімназія” Масленка прайшла па-свойму.
З 9 па 15 сакавіка была арганізавана этнавыства “Эх, гуляй, Масленка”
Пачынаючы з серады, каля выставы на экране можна было паглядзець відэапрэзентацыі: “Гісторыя узнікнення свята”, “Традыцыі і абрады Масленкі”, “Масленка”.
Больш насыначанай была пятніца (12.03). З самага ранку гучалі песні на тэматыку Масленіцы. Для малодшых класаў прайшла фальклорная праграма “Спяшайся народ, Масленіца ідзе”, а для старэйшых класаў быў арганізаваны фестываль выпечкі “Масленіца да нас прыйшла”.
У завяршэнне святочнага тыдня (13.03) адбылася спартландыя “Вяселая бліновая эстафета” і кіналектрорый “Масленіца”.