Палажэнне

ПАЛАЖЭННЕ

аб літаратурным клубе «Ізяслаўцы»

Літаратурны клуб «Ізяслаўцы» - вучнёўскае аб'яднанне, створанае пры дзяржаўнай установе адукацыі “Заслаўская гімназія” з мэтай развіцця пісьменніцкіх здольнасцей навучэнцаў, папулярызацыі гісторыка-культурнай спадчыны малой радзімы.

Асноўныя мэты

1. Фарміраванне ўсебакова развітай асобы навучэнца ў працэсе дадатковай адукацыі, пазакласнай і пазашкольнай работы.

2. Развіццё творчых здольнасцей навучэнцаў,матывацыя да ўдзелу ў творчых конкурсах, праектах, форумах.

3. Выхаванне любові да роднай мовы і роднай культуры.

Задачы

1. Арганізацыя творчай дзейнасці навучэнцаў.

2. Інтэграцыя вучэбнай і пазаўрочнай дзейнасці, правядзенне творчых мерапрыемстваў розных формаў.

3. Знаёмства з культурай і мастацтвам роднага краю.

4. Выяўленне і аб'яднанне аматараў паэзіі і прозы, спрыянне працэсу іх творчага развіцця і сталення.

Члены клуба. Іх правы і абавязкі

1. Членамі клуба могуць стаць вучні дзяржаўнай установы адукацыі «Заслаўская гімназія», якія прызнаюць палажэнне аб літаратурным клубе i выконваюць яго патрабаванні.

2. Члены клубамаюць права наведваць усе заняткі, запрашаць сяброў, прымаць удзел ва ўсіх мерапрыемствах, уносіць свае прапановы і арганізоўваць гутаркі, віктарыны і г.д.

3. Члены клуба абавязаны актыўна ўдзельнічаць у прапагандзе мэтаў і задач клуба, аказваць дапамогу іншым членам, захоўваць дысцыпліну, удзельнічаць у рабоце клуба.

Формы работы клуба:

• тэарэтычныя заняткі;
• практычныя заняткі;
• вывучэння і абмеркавання мастацкіх і паэтычных твораў
• удзел у грамадскіх мерапрыемствах;
• выставы творчых і даследчых работ навучэнцаў;
• творчыя сустрэчы;
• знаёмства з жыццём і творчасцю пісьменнікаў;
• творчыя і даследчыя работы;
• літаратурныя гульні, віктарыны;
• літаратурна-музычныя вечары;
• паэтычныя фестывалі;
• майстар-класы вядомых паэтаў;
• выступленні членаў клуба ваўстановах адукацыі;
• творчыя семінары з маладымі аўтарамі;

У працэсе сумеснай творчай дзейнасці члены клуба навучацца:

- бачыць у звычайным незвычайнае, адчуваць прыгажосць навакольнага свету;

- больш поўна даведаюцца пра жыццё і творчасць пісьменнікаў;

- набудуць навыкі выразнага чытання;

- авалодаюць асновамі вершаскладання;

- навучацца эстэтычна афармляць паведамленні, ствараць прэзентацыі;

- навучацца самастойна здабываць неабходную інфармацыю;

- навучацца складаць праекты і сцэнарыі.

Парадак работы

Членамі клуба сумесна з куратарам і кіраўніком, распрацоўваецца план работы на навучальны год, які даводзіцца да ведама ўсіх удзельнікаў і зацікаўленых асоб.

Клуб праводзіць мерапрыемствы розных формаў, тэматычнага і агульнага характару (літаратурныя гасцёўні, творчыя конкурсы, сустрэчы з пісьменнікамі і інш.) у навучальных і культурна-асветніцкіх мэтах.

Клуб можа арганізоўваць сустрэчы, прысвечаныя творчасці беларускіх пісьменнікаў, а таксама творчасці членаў клуба, прымаць удзел у творчых мерапрыемствах.

Інфармацыя аб маючых адбыцца творчых мерапрыемствах як у клубе, так і за яго межамі размяшчаецца на сайце ўстановы адукацыі.

Пасяджэнні клубаправодзяцца адзін раз у чвэрць ці часцей – па вуснай дамоўленасці членаў клуба.

Парадак уступлення ў клуб

Членамі клуба могуць быць вучні 5-11 класаў установы адукацыі, якія цікавяцца літаратурнай творчасцю, ствараюць уласныя творы розных жанраў, а таксама педагагічныя работнікі.

Органы кіравання клуба

Кіраўніком клуба з'яўляецца адзін з настаўнікаў беларускай мовы і літаратуры ці рускай мовы і літаратуры, які назначаецца загадам дырэктара школы.

Куратарам клуба можа з’яўляецца прызнаны літаратурны дзеяч.

Узадачы кіраўніка ўваходзяць:

• каардынацыя дзейнасці клуба ў адпаведнасці з гэтым Палажэннем;
• ажыццяўленне рэгулярнай вучэбна-выхаваўчай і творчай працы з членамі клуба на аснове зацверджанага плана;
• падрыхтоўка членаў клуба да ўдзелу ў масавых мерапрыемствах розных узроўняў (конкурсах, фестывалях, аглядах, сустрэчах);
• распрацоўка плана работы клуба і падрыхтоўка штогадовых справаздач аб яго працы;
• падрыхтоўка і правядзенне мерапрыемстваў клуба;
• іншыя абавязкі, якія вынікаюць з дадзенага Палажэння.

У функцыі кіраўніка ўваходзіць:

• кіраванне стратэгіяй развіцця клуба ў адпаведнасці з гэтым Палажэннем;
• каардынацыя працэсу ўступлення новых членаў і выключэнні са складу клуба;
• распрацоўка плана работы клуба;
• падрыхтоўка і правядзенне мерапрыемстваў клуба;
• іншыя абавязкі, якія вынікаюць з дадзенага Палажэння.

Правы і абавязкі членаў клуба

Члены клуба маюць права:

• прымаць удзел ва ўсіх мерапрыемствах, якія праводзяцца клубам;
• удзельнічаць у падрыхтоўцы рашэнняў па ўсіх пытаннях дзейнасці клубам;
• атрымліваць інфармацыю па розных аспектах дзейнасці клуба;
• выйсці са складу клуба шляхам падачы вуснай ці пісьмовай заявы;
• уносіць творчыя прапановы для разгляду на пасяджэннях клуба і ўдзельнічаць у іх рэалізацыі;
• удзельнічаць у распрацоўцы і абмеркаванні плана работы клуба на год;
• свабодна выбіраць формы і спосабы рэалізацыі творчага патэнцыялу;
• шукаць новыя формы творчага самавыяўлення і выносіць плён сваёй творчасці на абмеркаванне членаў клуба;
• выступаць з дакладамі і паведамленнямі на пасяджэннях клуба;
• публікаваць свае творы і прымаць удзел у выданні літаратурных альманахаў, калектыўных і індывідуальных зборнікаў;
• павышаць узровень паэтычнага майстэрства шляхам вывучэння тэорыі вершаскладання і ўдзелу ў майстар-класах.

Члены клуба абавязаны:

• ажыццяўляць сваю творчую дзейнасць у адпаведнасці з гэтым Палажэннем;
• імкнуцца да творчага росту;
• строга захоўваць аўтарскія правы іншых членаў клуба;
• прымаць актыўны ўдзел у жыцці клуба;
• рэгулярна наведваць пасяджэнні клуба;
• выконваць рашэнні, прынятыя на пасяджэннях клуба;
• выконваць існуючыя правілы і традыцыі клуба;
• паважліва ставіцца да ўсіх членаў клуба.

Дакументацыя клуба

• Палажэнне аб літаратурна клубе “Ізяслаўцы”
• План работы клуба на год.